Chal peer sain koi ayat phonk
Koi aisa ism e azam parh
Wo ankhain meri ho jain
Koi soom salat drood bata
Keh wajad wajood main aa jaye
Koi tasbeeh ho koi chilla ho
Koi wird bata wo aan milay
Mujhay jeenay ka saman milay
Gar nahi tu meri arzi man
Mujhay manganay ka dhang sekha
Key ashk bahain mery sajdon main or hont tharathar kanmpain bus
Meri khamoshi ko bheed milay
Koi harf ada na ho leken
Meri har ek aah ka shor wahan sar e arsh machay
Mery ashkon main koi rang mila
Mery khali pan main koi phool khila
Mujhay yaar mila
Sar kar mila
Aye malik mulk kay shah sain
Mujhay or na koi chah sain
Meri arzi maan na khali mor
Mujhay maan bohat mera maan na tor
Chal peer sain koi ayat phonk
Koi aisa ism e azam parh
Wo ankhain meri ho jain
0 Comments